БЛАГОДАРЕНИЕ НА СОЛАРНИТЕ ЕЛЕКТРАНИ, Европејците летово заштедија 29 милијарди евра

Благодарение на производството на електрична енергија од сончева енергија, Европејците летово заштедиле 29 милијарди евра. Во Европската Унија од мај до август годинава беа срушени рекорди во производството на електрична енергија од сончева енергија.

Во наведениот период соларните централи произвеле 28 отсто повеќе електрична енергија во однос на истиот период лани. Уделот на електричната енергија произведена во соларните централи во однос на вкупното производство изнесува рекордни 12 проценти.

Оценката на Светскиот економски форум (СЕФ) е дека ЕУ ќе мораше да купи гас за 29 милијарди евра доколку немаше соларни централи, и тоа главно руски гас. Во 18 од 27 држави на Унијата се постигнати рекорди во производството на електрична енергија во соларни централи. Десеттина од електричната енергија во десет земји се произведува во соларни електрани. Холандија е прва, а Германија е втора во овој поглед.

Во меѓувреме, цените на гасот продолжуваат да растат во Унијата поради руската агресија врз Украина. Имајќи го тоа предвид, ЕУ размислува до 2030 година да произведува 45 отсто од електричната енергија од обновливи извори на енергија. Дотогаш, сончевата енергија треба да биде столбот на тоа производство.

Но, сè уште не успеала да ги направи соларните централи целосно сигурни за производство на електрична енергија, а се смета дека имаат ниска ефикасност.