Биткоинот повторно над „црвената линија“ од 20.000 долари

Биткоинот се проби над 20.000 долари во вторникот за прв пат по околу една недела, бидејќи криптовалутите отскокнаа, заедно со другите средства чувствителни на ризик, во азиската трговија. Најголемата криптовалута по пазарна вредност, биткоинот, порасна за повеќе од 5%, на 20.286 долари. Вториот по големина, етер, се зголеми за 4% до еднонеделен максимум од 1.389 долари.

На поширокиот пазар доларот благо поевтини откако во понеделникот постигна рекордно високи вредности во однос на најголемите валути, посебно на британската фунта.