Биткоин и Етериум бележат благ пораст

Најпопуларната криптовалута во светот, биткоинот, денес забележа благ пораст, бидејќи со оваа дигитална паричка во моментов се тргува по цена од 36.750 долари.

Во текот на последните 24 часа, цената на биткоинот се движеше помеѓу 34.200 и 36.900 долари, а во овој период забележа скок од 2,25 проценти.

Пазарната капитализација на биткоинот во моментов вреди 687 милијарди долари.

Втората најпопуларна криптовалута на Етериум порасна за скоро 5 проценти, а во моментов се тргува со 2.530 долари.

Пазарот на криптовалути доживеа голем пад овој месец, бидејќи цените на скоро сите монети драстично паднаа по серијата негативни изјави на влијателни инвеститори и бизнисмени, како што е шефот на „Тесла“, Илон Маска и после одлуките на одредени регулаторни државни тела.

Прочитај – ПАРИ ОТКРИВА: Кој и каде копа Биткоини во Македонија!? Се кријат во напуштени селски куќи и подруми