Бесплатно студирање, сѐ до вработувањето! Бреинстер Некст колеџ почна со упис на нови студенти

Со нова инвестиција од 1.2 милиони евра, практичниот ИТ-факултет Бреинстер Некст колеџ (Brainster Next College) повторно им ја нуди уникатната финансиска поволност „Студирај сега, плаќај по вработување“ на сите студенти и за новата уписна година.

Веќе трета година по ред, овој факултет на сите студенти им нуди можност да го завршат факултетот без да платат денар, а да почнат со исплаќање на школарината по дипломирањето или вработувањето, на бескаматни рати.

Генералниот менаџер на Бреинстер Некст колеџ, Александар Клашниновски вели дека целта на овој модел на студирање е да им овозможат на најдобрите матуранти без разлика на финансиските можности да добијат пристап до квалитетно и практично ИТ-образование.

„Овој модел ја демонстрира и довербата што ја имаме не само во нашите студенти туку и во квалитетот на сопствените студиски програми, бидејќи сме сигурни дека нашето уникатно и практично образование ќе ги опреми сите дипломирани студенти со релевантно знаење за потребите на ИТ-индустријата“, вели Клашниновски.

Тој потенцира дека дури 58% од досега запишаните студенти на Бреинстер Некст колеџ, ја користат оваа финансика поволност.

Факултетот има образовна методологија креирана согласно потребите на глобалната ИТ- индустрија. Фокусот е на праксата со цел студентите да се здобијат со практични вештини кои ги бараат ИТ и технолошките компании. Работа на реални проекти и пракса во ИТ-компании, целосно имплементиран предмет во соработка со компанија партнер од индустријата, учество на хакатони на кои за 48 часа прават апликации се само дел од предизвиците со кои се соочуваат студентите уште во првата година.

Приемниот тест за упис, како основен услов за студентите да се стекнат со поволноста „Студирај сега, плаќај по вработување“ е веќе отворен и ќе биде достапен до крајот на март.

Тој важи за упис и на двете студиски програми – Софтверско инженерство и иновации и Примена на информациски технологии – дигитален дизајн и интерактивни технологии.

ПР Објава