Бензините поскапуваат за половина денар, цената на дизелот без промена

Малопродажните цени на нафтените деривати се зголемуваат, во просек, за 0,46 насто во однос минатонеделната пресметка, информираат од Регулаторната комисија за енергетика. Притоа, иста останува цената на дизелот од 92 денари за литар, додека бензините и екстра лесното масло поскапуваат за половина денар.

Од полноќ ќе се применуваат следните цени: литар еуросупер БС-95 ќе чини 87,50 денари; еуросупер БС-98 – 89,50 денари; екстра лесно масло за домаќинство (ЕЛ-1) – 94,00 денари. Корекцијата кај мазут М-1 НС е за дополнителни 0,330 денари, па килограм ќе се продава за 51,144 денари.

Од РКЕ наведуваат дека и покрај тоа што на светските берзи референтните цени бележат намалување, курсот на денарот во однос на американскиот долар е повисок за 1,0116 насто, што влијае врз конечната пресметка на домашните цени.

Според податоците на РКЕ, на светскиот пазар се забележува намалување кај сите деривати: бензините за 0,723 отсто, дизелот за 0,982 отсто, екстра лесното масло за 0,545 отсто, а мазутот за 0,348 отсто.