БАРИЛА тужена за лажно рекламирање

Еден од најпопуларните брендови за тестенини, Barilla, се соочува со тужба, а сето тоа поради неточно рекламирање. Имено, медиумите јавуваат дека федерален судија пресудил дека Barilla, која е позната како „италијанска марка за тестенини бр. 1“, се води колективна тужба за лажно или погрешно рекламирање.

Иако компанијата потекнува како продавница за леб и тестенини во Италија, Barilla сега се наоѓа во Илиноис (САД). Тестенината се произведува во Ајова и Њујорк и не користи исклучиво италијанска пченица, па судијата пресуди дека клиентите може да бидат заведени со терминот „италијански тестенини“ да веруваат дека всушност купуваат производ произведен во Италија, кога тоа не е случај.

Во првичната жалба, Метју Синатро и Џесика Прост тврдеа дека брендирањето на тестенините на Barilla користело лажни, погрешни и измамнички практики на етикетирање. На сините кутии што ги користи компанијата пишува „Италијанска марка на тестенини бр. 1“ и ги прикажува зелените, црвените и белите бои кои го симболизираат италијанското знаме. Тужителите тврдеа дека производот е претставен да изгледа и да звучи автентично италијански, а во исто време „ги намалува трошоците и ги добива финансиските придобивки од производството во САД“.

Претставниците на компанијата Barilla не се огласиле во оваа прилика, пренесуваат медиумите, па останува да се види како ќе се надмине овој проблем, пренесе BizLife.