Исчезнале 2 милијарди од банкарски сметки на германска фирма

Акциите на германаската компанијата „Wirecard“ денес паднале за уште 35 проценти, по вчерашната објава на ревизорите на таа финансиско-технолошка група, која своевремено е сметана за ѕвезда на германскиот технолошки сектор, дека на сметката на компанијата недостасуваат 1,9 милијарди евра.

Хаотичната распродажба, започната вчера со падот на вредноста на акциите од дури 75 проценти, ескалирала денес бидејќи двата најголеми инвеститори се заканиле со судски тужби против “Wirecard” поради сметковдствениот скандал кој го довел во прашање опстанокот на ова еднаш високорангирана компанија за платен промет, објави „Фајненшл тајмс“.

Инвеститорот “Union Investment”, еден од 10-те најголеми акционери, се приклучил во фондот “DVS” кој се заканил дека ќе ја тужи компанијата која речиси две децении е сметана за успешна германска технолошка приказна.

“Wirecard”, со седиште во предградието на Минхен, обработува десетина милијарди евра трансакции на кредитни и дебитни картички годишно.

Скандалот избил вчера, кога било откриено дека недостасуваат 1,9 милијарди евра на ексроу сметките во две азиски банки.

Според Маркус Браун кој е главен извршен директор “Не може да се исклучи ни дека “Wirecard” станал жртва од големи размери”

Тој  во своето видео обраќање не кажал кој е осомничен дека ја извршил измамата, додека “BPI” и “BDO”, двете филипински банки, ги демантирале и тврдењата дека имаат било каква врска со “Wirecard”.

“”Wirecard” не е клиент на банката. Документот во кој се тврди дека “Wirecard” има сметка кај BDO е фалсификуван а фалсификуван е и потписот на службеник на банката”, навела банката “BDO”.

BMW ќе затвори 6000 работни места [ т у к а ]