Аутомакедонија лани со помала добивка за 1.070.013 мкд.

АУТОМАКЕДОНИЈА АД Скопје во периодот 01.01.2020 – 31.12.2020 година оствари позитивен финансиски резултат во износ 4.021.674,00 мкд нето добивка.

Во оваа предизвикувачка и тешка година на пандемија Аутомакедонија АД оствари само 4% намалување на оперативни приходи во однос на истиот период претходната година, со намалување на приходите од продажба за 4%.

Оперативните расходи во 2020 година се аналогно намалени за 4% како директен резултат на напоредно намалување на набавната вредност на продадени производи за 6% аналогно на намалување на приходите од продажба, а од друга страна зголемување на останатите трошоци преку вредносно усогласување на побарувања и отпис на тековни средства.

Нето добивката е намалена за 21% или во апсолутен износ наламување од 1.070.013 мкд.

Побарувањата од купувачи се зголемени за 39% како тековни средства / краткорочни побарувања како резлутат на реализирани поголеми проекти на продажба на крај на 2020 година а истите наплатени во почетокот на 2021 година.

Залихите се зголемени за 24% во 2020 во најголем дел во возила, како резултат на отпочнување на работа со нови брендови крајот на 2019 година (Sang Yyong , Piaggio) и креирање на диверзификација како и волумен на залихи за истите, како и повлекување на повеќе возила во период на неизвеснот за фунцкионирање на можноста за превоз и испорака на возила.

Обврските кон добавувачи се драстично поголеми со состојба 31.12.2020 поради реализирање на големи проекти со принципалот Исузу за продажба на автобуси – реализирани во 2020 а платени во 2021 година.