Стрип за Бетмен достигна цена од неверојатни 850.000 долари

Објавен во 1939 година, „Детективскиот стрип“ бр.27 го запознава светот со Брус Вејн многу порано пред тој да постане предмет за колекционирање. Вчера на аукцијата, првиот стрип за Бетмен достигна цена од неверојатни 850.000 долари, пишува Акцент.мк

Стрипот ја содржи првата приказна за Бетмен, „Случај на хемискиот синдикат“, според која Вејн ја истражува мистериозната смрт на производителот на хемикалии. На крајот се открива дека Вејн и херојот по име Бетмен се иста личност, без сомнение во тоа време ова ги шокирало читателите.
Случајот на хемискиот синдикат е напишан од ко-креаторот на Бетмен Бил Фингер, а илустриран од уметникот Боб Кејн. Оние кои во тоа време посетувале продавници за стрипови, можеле да земат копија за 10 центи, не знаејќи дека купуваат парче историја.

Сепак, според ТМЗ, овој стрип сега се смета за далеку повреден, со преостанати 70 копии.

Ова е наводно, втора највисока продажна цена досега забележана за овој конкретен стрип, кој е рангиран меѓу најдобрите продажни стрипови во историјата.
Копијата од „Детектив стрип“ бр.27, еднаш се продаде за навистина неверојатни 1.075.500 долари во далечната 2010 година, поставувајќи го светски рекордот за продажба еден стрип.

Извор: Акцент.мк