Епл ќе плати 113 милиони долари за забавување на старите Ајфони

Епл се согласи да плати милиони долари на 34 земји за контроверзната практика на забавување на старите iPhone телефони со цел да се прошири траење на батеријата.

Американскиот техно гигант ќе плати вкупно 113 милиони долари за државите што започнале истраги против компанијата, вклучително и Калифорнија и Аризона. Овој проблем на забавување на уредот доведе до исклучување на голем број на Ајфон телефони, што ги налути корисниците на Епл.

Наместо да го открие проблемот или да ги замени батериите на своите корисници, во декември 2016 година, Епл започна софтверско ажурирање што влијаеше на перформансите на постарите модели на iPhone. Многумина веруваа дека Епл на овој начин се обидува да ги охрабри корисниците да купуваат нови „Ајфони“.

„Големите технолошки компании мора да престанат да манипулираат со своите потрошувачи и да им ја кажат целосната вистина за нивните политики и производи“, рече јавниот обвинител на Аризона, Марк Брнович, во соопштението за јавноста.

Во тоа време, откако корисниците на постари Ајфони телефони откриле проблем на уредите, компанијата јавно се извини за своите постапки и ја намали цената на заменетите батерии од 79 на 29 долари.