Амазон го претстави своето прво роботско такси

Поминаа скоро шест месеци откако Амазон купи стартап што се занимава со автономни возила. Тоа е Zoox, и заедно го претставија своето прво роботско такси.

Наместо автоматизирање на добро познат модел кој вклучува и човечки возач, Zoox се определи за роботско возило кое е целосно автоматизирано и дизајнирано да вози во град. Новото возило е со должина од 3,63 метри, и нема преден дел што е наменет за возачи и совозачи во обични возила. Ова значи дека нема волан, а седиштата се различни, и тие се свртени еден кон друг, како во вагоните или возилата за јавен превоз.

И покрај големината, возилото може да достигне брзина од над 120 километри на час, а се напојува со две одделни батерии, благодарение на тоа што возилото може да се движи повеќе од цел ден со едно полнење (една батерија трае околу 16 часа). Возилото веќе се тестира во Лас Вегас и Сан Франциско, но не се очекува комерцијално лансирање до крајот на 2021 година.