Амазон е најголемиот купувач на одржлива енергија

Технолошкиот гигант Амазон инвестираше во 26 проекти поврзани со производство на соларна и ветерна енергија со цел делумно самообезбедување на снабдување со одржлива енергија.

Уредите и постројките во кои Амазон инвестираше се наоѓаат низ целиот свет, од Австралија, преку Америка, па сè до Велика Британија. Инвестицискиот потенцијал на Амазон не е мал – овие проекти ќе произведат 3,4 гигавати електрична енергија.

Целта на компанијата е да снабдува 18 милиони мегавати „зелена“ енергија годишно, што би било доволно за напојување на 1,7 милиони американски домаќинства, но и да се искористи добар дел од оваа електрична енергија за сопствен бизнис.

Амазон, всушност, има потреба од значителна електрична енергија за функционирање на канцелариите на компанијата, но и за центрите за податоци, кои се огромни потрошувачи на електрична енергија.

Амазон си постави цел да стане компанија неутрализирана на јаглерод до 2040 година, што смета дека може да ја постигне преку добро дизајнирана транзиција, чиј елемент е преминот кон употреба на исклучиво енергија од обновливи извори.

Со оваа инвестиција, компанијата би можела да ја постигне таа цел уште во 2025 година.