Акција на „ЕСМ снабдување со топлина“: Бесплатно приклучување до 31 август

Исклучените потрошувачи од парно греење можат повторно да станат дел од системот. Овој пат бесплатно, преку акцијата што ја стартува „ЕСМ снабдување со топлина“, која ја дава оваа можност заклучно со 31 август.

„Со цел да им овозможиме на што поголем број потрошувачи да ги користат придобивките на системот за централното греење, почнуваме акција за бесплатно приклучување за исклучените потрошувачи, кои ќе се одлучат да се приклучат на системот за централно греење“, наведуваат од компанијата.

Ова се однесува за објектите кое се приклучени на централниот систем за греење и каде што има техничка можност за приклучување на станот или деловниот простор. А, пак, акцијата ќе се спроведува по принципот прв пријавен – прв услужен. Претходно, потребно е да се достави писмено барање за приклучување во некој од пунктовите за потрошувачи на „ЕСМ снабдување со топлина“.

Од таму појаснуваат дека бесплатното приклучување подразбира – без надомест испуштање вода од системот за централно греење и работна рака. Секоја дополнителна интервенција на внатрешната грејна инсталација ќе се наплати согласно ценовникот за сервисни услуги.

За подетални информации околу целата постапка заинтересираните можат да се обратат во Центарот за грижа за потрошувачите, на телефонските броеви 02/3076-200 и 075/400-100.

Од компанијата информираат дека по завршувањето на акцијата, односно од први септември  приклучувањето ќе се наплаќа според важечкиот ценовник.