Најбогатиот Африканец сака да ја трансформира економијата на Нигерија

На полуостровот источно од Лагос, 30.000 работници се вработени на проект што ги исполнува ветувањата за трансформација на нигериската економија.

Имено, Алико Данготе, најбогатиот човек во Африка, планира да инвестира повеќе пари од неговата нето вредност (13,5 милијарди долари), поточно 15 милијарди американски долари, со цел да се изгради една од најголемите рафинерии за нафта во светот.

Доколку успее, тоа може да стави крај на иронијата на најголемиот производител на нафта во Африка, кој увезува 7 милијарди долари годишно гориво и наместо тоа, да ги задоволува сопствените потреби и да може да ги снабдува соседните земји.

Во време кога пазарот на нафта полека се опоравува, Данготе реши да ризикува. Сепак, тој „облог“ има голем потенцијал: целосно да ја трансформира економијата на оваа африканска земја.

Гувернерот на Централната банка, Годвин Емефиле рекол дека проектот може да вработи повеќе од 70.000 луѓе откако ќе биде оперативен.

„ Да, ризиците се големи, но и наградите“, рече Девакумар Едвин, извршен директор на рафинерискиот комплекс, кој соработуваше со милијардерот Алико Данготе околу три децении.

Инаку, Данготе е роден во 1957 година во градот Кано, а индустрискиот конгломерат „Данготе Груп“ е основан во 1981 година.

За потсетување, нафтата, шеќерот и цементот го направија нигерискиот бизнисмен Алико Данготе еден од најбогатите луѓе на светот.

Според листата на „Форбс“ Алико Данготе од Нигерија е најбогатиот Афиканец во светот, „тежок“ 8.3 милијарди долари.