Веста за оставка на јапонскиот премиер ги собори акциите

Јапонските акции паднаа, додека пак јенот стана појак, откако јапонскиот јавен сервис НХК објави дека премиерот Шинзо Абе планира да си даде оставка од здравствени причини.

Во исто време, јапонската валута напредуваше 0,3 проценти во однос на доларот на 106,11 јени за долар, закрепнувајќи се од претходната загуба на вредноста.

„Веста дека премиерот Абе планира да си поднесе оставка ги изненади трговците затоа што не очекуваа тоа да се случи денес“, рече Масахиро Ичикава, висок стратег во управувањето со средства на „Sumitomo Mitsui DS Asset Management“ во Токио.

Според него, јенот би можел да го зголеми профитот кога ќе влезат на пазарот повеќе играчи од странство.

Сепак, напредокот ќе биде ограничен затоа што пазарот очекува дека актуелната јапонска политика на фискални и парични стимулации ќе се задржи заради кризата на вирусот корона, без оглед кој ќе дојде на позицијата премиер по Абе, додава Ичикава.