20% повеќе патници во автобускиот сообраќај од лани

Според податоците на Државниот завод за статистика, вкупниот број на превезени патници во патничкиот патен превоз изнесува 11 467 илјади во второто тримесечје од 2022 година и во однос на истиот период од претходната година е зголемен за 20.4 %.

Според видот на превозот, најголем е пораст на бројот на превезените патници во меѓународниот превоз, од дури 62.6 %, во однос на истиот период лани. Во меѓуградскиот превоз порастот на бројот на патници изнесува 58.7 %, додека градскиот превоз е зголемен за 10.8 %, а приградскиот превоз за 29.4 %,

Во второто тримесечје од 2022 година, во однос на истиот период од 2021 година, вкупниот број на патнички километри во патниот патнички превоз е зголемен за 41.0 %.

Според видот на превозот, бројот на патничките километри во градскиот превоз е зголемен за 14.9 %, во приградскиот превоз за 30.9 %, во меѓуградскиот превоз за 52.0 %, а во меѓународниот превоз зголемувањето изнесува 43.9 %.