1.200 вработени во најголемата европска банка ќе работат од дома засекогаш

Најголемата европска банка HSBC, одлучи да префрли повеќе од 1.200 вработени во Велика Британија на трајна работа од дома. Според Ројтерс, ова е еден од најсилните индикатори за тоа како банките се прилагодуваат на промените во начинот на работа на вработените за време на пандемијата, како и на намалувањето на трошоците.

Околу 70% од 1.800 вработени во “кол центрите” на банката со седиште во Англија, Велс и Шкотска, објавија дека не сакаат никогаш да се вратат во канцелариите. Ваквите промени може да доведат до долгорочни проблеми со социјалната помош, соопшти синдикатот.

„Разговаравме со колегите од контакт центарот кои им служат на клиентите во банката за начините на кои можеме да понудиме флексибилност на работното место, притоа осигурувајќи дека ќе бидат задоволени потребите на нашите клиенти. Овие дискусии продолжуваат“, рече портпаролот на HSBC.

Според синдикатот, HSBC им понуди на вработените 300 фунти годишно (414,75 американски долари) како додаток за покривање на дополнителни трошоци, како што се сметки за греење и струја.

Една четвртина од вработените ја одбија понудата затоа што сакаа да работат во канцеларијата барем некое време, додека 5 проценти сакаа трајно да се вратат во канцелариите.

HSBC и другите британски банки почнаа да го намалуваат канцеларискиот простор, делумно поради тоа што вработените работат од дома, посочува Ројтерс.