Шпаркасе Банка овозможи приватно здравствено осигурување за своите вработени

Грижата за вработените и нивното задоволство е еден од најзначајните приоритети на Шпаркасе Банка. Водејќи се од стратешката определба постојано да ги подобрува условите за работа и поволностите за своите вработени, Шпаркасе Банка АД Скопје овозможи приватно здравствено осигурување за сите свои вработени!

Имено, од јануари 2022 година сите вработени имаат можност да ги користат придобивките од приватното здравствено осигурување што Банката го склучи во соработка со Кроација осигурување – Неживот.

Веруваме дека ваквиот придонес кон здравјето на нашите вработени и нивните семејства, ќе им даде дополнителна сигурност и благосостојба во нивниот секојдневен живот. Остануваме посветени на континуирано создавање подобри услови за работа, со цел нашите вработени да се чувствуваат среќно и задоволно.

Со вклучувањето на приватното здравствено осигурување во списокот придобивки за своите вработени, Шпаркасе Банка ја потврдува својата грижа кон вработените и ја зацврстува својата позиција како посакуван работодавач во нашата држава.

Повеќе информации може да се најдат на веб-страницата на Банката www.sparkasse.mk.