Шпаркасе банка известува за исплата на парични права од социјална и детска заштита

Шпаркасе банка ги известува своите клиенти дека од 04.03.2021 година (четврток), паричните исплати за паричните права од социјална заштита, заштита на децата и цивилна заштита за месец февруари, ќе биде на располагање за корисниците на дебитни картички.

Останатите корисниците кои не користат картички, исплатата ќе се спроведе во 2 групи во експозитурите на Банката согласно воспоставен распоред по азбучен ред по презимето на лицето и тоа:

• На 4 март (четврток) ќе се исплаќаат клиенти со презиме на буквите А, Б, В, Г, Д, Ѓ, Е, Ж, З, Ѕ, И, Ј, К, Л, Љ;
• На 5 март (петок) ќе се исплаќаат клиенти со презиме на буквите М, Н, Њ, О, П, Р С, Т, Ќ, У, Ф, Х, Ц, Ч, Џ, Ш.

Подигнувањето на готовина од банка ќе се врши исклучиво според наведениот редослед и корисник со презиме на буква која не е на распоредот нема да биде опслужен!

Воедно Банката препорачува, средствата кои се на располагање на Вашите сметки да ги подигнувате со дебитните картички преку банкоматите на ШпаркасеГрупацијата ширум државата, на кои подигнувањето е без провизија. Клиентите кои имаат дебитни картички може да ги користат средствата со безготовинско плаќање кај трговците, без внесување на ПИН за износи до 2.000 денари со дебитните картички од брендот Mastercard и до 2.500 денари со дебитните картички од брендот VISA.

За сите плаќања на режиски трошоци и уплати кон трети лица користете ги услугите на апликацијата за електронско банкарство NetBanking и мобилното банкарство S-Banking.

За поголема заштита на Вашето здравје, Шпаркасе банка Ве упатува за намалена посета на експозитурите и избегнување на чекање редови на шалтерите.