Финансии

„Фајнанс тинк“: Најлошо е, ако се доцни со фискалните мерки

2 мин читање103 прегледи

Следете не на Viber
Да се погледне колку пари се на располагање и од кои извори, а потоа да се дизајнира пакет мерки во рамки на можностите или да се тргне од мерки кои ќе имаат најголем импакт, па да се направи приоритизирање, вели Петрески.

 

Моментално немаме ургентност за економски  мерки, но ургентност за фискален план имаме. Веќе и доцниме со планот, пишува во пост на Фејсбук  Благица Петрески од Институт за економски истражувања и политики „Фајнанс тинк“.

Според неа, најлошо е ако се задоцни со мерките и затоа предлага во подготовка на планот за фискални мерки да се користат два пристапа.

– Да се погледне колку пари се на располагање и од кои извори, а потоа да се дизајнира пакет мерки во рамки на можностите или да се тргне од мерки кои ќе имаат најголем импакт, па да се направи приоритизирање – вели Петрески.

– Да се замрзнат сите непродуктивни трошења (набавки на мебел, автомобили и други стоки), да се искористат средствата што се на сметка во НБРМ и покрај законските ограничувања поради техничката влада, да се има план за пренамена на средства: во рамки на едно министерство и помеѓу министерствач намена по програми (пример пренамена на средства за иновации во ликвидносни пакети за компании). Во крајна линија да се посегне по задолжување (план од каде и колку) – додава таа.

Институтот со кој раководи Петрески предлага да се види какви фискалните мерки презедоа другите земји за справување со економските последици од корона вирусот.