УНИБАНКА ИЗВЕСТУВА ЗА ИСПЛАТА НА ЈАНУАРСКИТЕ ПЕНЗИИ: Таа ќе биде етапна и во групи за оние кои не користат платежна картичка

УНИБанка, со цел да излезе во пресрет на потребите на своите клиенти – пензионери, известува дека банката овозможи исплатата на пензијата за месец јануари, на трансакциска сметка да биде на 30-ти јануари (понеделник) 2023 година.

Во услови на засилени мерки за заштита на здравјето, пензионерите својата пензија ќе може да ја подигнат од банкомат започнувајќи од 30-ти јануари (понеделник) 2023 година, додека подигнувањето на пензијата преку шалтер ќе може да се реализира започнувајќи од 30-ти Јануари (понеделник) 2023 година секој работен ден во експозитурите на Банката.

Исплатите преку шалтер ќе се вршат по следните критериуми:

• Во понеделник, на 30.01.2023 година исплата на пензии со висина до 11.000 денари;
• Во вторник, на 31.01.2023 година исплата на пензии во висина од 11.001 денари до 14.000 денари;
• Во среда, на 01.02.2023 година исплата на пензии во висина од 14.001 денари до 18.000 денари;
• Во четврток, на 02.02.2023 година исплата на пензии во висина над 18.001 денари.

Во случај на неопходна посета на експозитура Ве молиме да ги почитувате правилата за влез во согласност со препораките на Владата, според кои влезот ќе биде ограничен и дозволен за број на лица соодветен на бројот на благајните во експозитурата, применувајќи го истовремено правилото за меѓусебно растојание од најмалку 2 метри во експозитурата, како и пред влезот, посочуваат од банката.

За да се избегнат блиски контакти, ги повикуваме пензионерите кои имаат дебитна картичка или користат електронско/мобилно банкарство своите финансиски потреби да ги вршат преку плаќање со картичка, преку банкоматите и електронските канали на УНИБанка, односно максимално да избегнуваат посета на шалтерите, апелираат од банката.