Тренчевска: Новата методологија за плати до крајот на годината

Новата методологија за плати во јавниот сектор ќе биде резултат на јавна дебата која допрва ќе се отвори, изјави министерката за труд и социјална политика Јованка Тренчевска. 

Таа се очекува да биде усвоена најдоцна до крајот на годината, а според најавите, ќе се применува од 1 јануари 2023 година..

Годинава, јавниот сектор, ќе треба да се задоволи само со К-15, но и тој нема да го добијат сите во јавниот сектор, туку само вработените во државната администрација..

„Во буџетот е планиран К-15 но за не станува збор за 138 илјади вработени, туку за околу 11 илјади вработени во државната адмнистрација, останатите се дел од јавните претпријатија и општинска администрација, Парите се во рамки на секое министерство, а правото на исплата на регрес за годишен одмор најчесто се исплатува до крајот на годината, така што секоја институција внатре во својот буџет ќе си направи релокација и ќе ги исплати потребните средства согласно гранскиот колективен договор со УПОЗ“- Јованка Тренчевска, Министерката за труд и социјална политика.

Лидерот на ССМ, Дарко Димовски, вчера рече дека никој досега не претставил нацрт-верзија од методологијата која Владата ја понуди како системско решение наспроти барањето на синдикатот за линеарно зголемување на платите од 2806 денари.

Затоа од ССМ најавија дека пдготвуваат колективната тужба до домашните судови, а претставки ќе се пратат и до народниот правобранител и Комисијата за заштита при дискриминација. Коментирајчи го потегот на ССМ да ја тужи државата пред домашните и меѓународните судови, Тренчевска рече дека Правото да поднесе тужба има секој, но не гледа суштина во неа..