Споменик на пронаоѓачот на биткоинот – Сатоши Накамото е подигнат во Будимпешта

Нов споменик беше откриен во паркот Графисофт во близина на Дунав, во деловниот центар во Будимпешта. Тоа е биста која го слави „непознатиот херој“ кој во 2009 година под псевдонимот Сатоши Накамото го објави првиот whitepaper, техничка документација за биткоин.

Така, во крипто заедницата, Сатоши се смета за двигател на целиот екосистем базиран на блокчејн. Ова беше доволно за Унгарците да му подигнат споменик, прв во светот.

Иницијаторот на проектот, Андрес Ѓерфи, исто така уредник на интернет порталот со вести од крипто светот Crypto Akademia, на откривањето на споменикот рече: „Кој и да беше, биткоинот денес создава вредност, особено блокчејн технологијата. Сатоши Накамото создаде независна валута без посредници што им даде на луѓето финансиски суверенитет … Ја подигнавме оваа статуа за да се потсетиме дека храброста е доблест. Мора да продолжиме да сонуваме големи работи “.