Најбогати бизнисмени во Русија

На првото место на листата најбогати бизнисмени во Русија се најде мнозинскиот сопственик на руската компанија „Северстаљ“ Алексеј Мордашов, објави порталот Руска Реч.

Според „Форбс“, богатството на Мордашов и неговото семејство се проценува на 29,1 милијарди долари, пренесуваат руските медиуми.

Меѓу тројцата најбогати руски бизнисмени се најдоа сопственикот на компанијата „Норникељ“ Владимир Потанин, чие богатство се проценува на 27 милијарди долари, и главниот акционер на групацијата НЛМК Владимир Лисин со 26,2 милијарди долари.

Во десетте најбогати руски бизнисмени спаѓаат претприемачот Генадиј Тимченко (22 милијарди долари), првиот човек на компанијата УСМ Холдингс Алишер Усманов (18,4 милијарди долари), мнозинскиот сопственик на фирмата EuroChem Андреј Мељниченко (17,9 милијарди долари), основачот на „Телеграм“ Павел Дуров (17,2 милијарди долари), сенаторот Сулејман Каримов и неговото семејство (15,8 милијарди долари) и основачот на „Алфа банка“ и прв човек на компанијата LetterOne Михаил Фриман (15,5 милијарди долари).

Извор Руска Реч