МОБИЛНИТЕ ГИ ПОЛНИ ЗА ПЕТ МИНУТИ: Redmi го претстави новиот турбо-полнач со револуционерна технологија

Редми официјално ја откри својата целосно нова технологија за брзо полнење од 300 W, прва од ваков вид и најбрза во светот. Способна за целосно полнење на паметен телефон за 5 минути, технологијата го надминува полнењето од 240 W што се наоѓа на realme GT Neo 5.

На својата официјална страница во Weibo, Redmi ја покажа технологијата за полнење во акција преку видео од тест на Redmi Note 12 Explorer Edition. Објавата на Redmi за брзо полнење од 300 W уследи само четири месеци откако беше првиот бренд што го надмина прагот од 200 W.

Подружницата на Xiaomi откри дека телефонот може да се полни од 0 до 100% за помалку од пет минути, а подоцна следеше и видео, кое дава повеќе детали за технологијата. Уредот од 4100 mAh беше целосно наполнет за нешто помалку од 5 минути, а видеото исто така ја прикажува потрошувачката на енергија во текот на тестирањето.

Според MyFixGuide, официјалните податоци на компанијата мајка на Redmi, Xiaomi, открија дека максималната моќност на полначот може да достигне до 290 W. Понатаму, моќноста над 280 W може да трае 2 минути за да го наполни телефонот до 50%.
Редми тврди дека полначот од 300 W може да наполни до 10 отсто за само 43 секунди, 50 отсто за 2 минути и 100 отсто за 5 минути. Технологијата користи саморазвиена архитектура за брзо полнење од 300 W со целосна врска.

Вклучува приспособен чип за полнење 6:2 на архитектурата за полнење на оригиналниот уред, додека максималната ефикасност на конверзија на чипот е дури 98 проценти.Самиот адаптер доаѓа со Double GaN технологија и има „повеќе од 50 безбедносни заштити“, но сепак ја задржува малата големина, рече Redmi.

Во моментов, полнењето од 300 W сè уште не е вклучено во ниту еден официјален уред, иако може да биде вклучено во паметните телефони Redmi или Xiaomi во блиска иднина.  Она што брендот Xiaomi не го кажа е кога ќе видиме вистински паметен телефон со технологијата кој ќе излезе на отворен пазар.