Комерцијална банка започнува со предвремена исплата на јунските пензии

Комерцијална банка АД Скопје од денес, вторник, 29.06.2021 година, ќе започне со исплата на јунските пензии.

На пензионерите кои имаат активна дебитна картичка пензијата ќе им биде на располагање истиот ден и ќе може да ја подигнат на банкомат или да ја користат за безготовинско плаќање низ трговската мрежа.

Исплатата на пензионерите кои не користат платежни картички ќе биде организирана во четири групи, според висината на пензијата, согласно следниот распоред:

 

• вторник, 29.06.2021 година, исплата на пензии до 11.000 денари
• среда, 30.06.2021 година, исплата на пензии од 11.001 до 14.000 денари
• четврток, 01.07.2021 година, исплата на пензии од 14.001 до 18.000 денари
• петок, 02.07.2021 година, исплата на пензии над 18.000 денари

Потсетуваме дека пензионерите при подигање на своите пензии на шалтер можe да побараат бесплатна дебитна картичка, пристап до бесплатната услуга Интернет банка и отворање трајни налози за плаќање сметки за комуналии.

Клиентите при посета на Банката, заради заштита на сопственото и на здравјето на вработените, мора задолжително да го држат пропишаното минимално растојание, да носат заштитна маска, марама или шал, и да вршат дезинфекција на рацете.