Комерцијална Банка АД Скопје со добивка од приближно 30 милиони евра во 2019 година

Во 2019 година Комерцијална Банка АД Скопје оствари нето добивка за финансиската година во износ од 1.806,8 милиони денари што е зголемена за 1,5% во однос на претходната 2018 година.

Нето-приходите од камата изнесуваат 2.403,5 милиони денари  и истите бележат намалување од 2,7% во однос на  минатата година.

Нето приходите од провизии и надоместоци изнесуваат 947,2 милиони денари и во однос на истиот период од минатата година бележат зголемување од 8,0%.

Останатите приходи од дејноста на Банката изнесуваат 819 милиони денари и бележат намалување како резултат на помалку реализирани приходи од капитални вложувања и капитална добивка од продажба на преземен имот.

Загубата поради оштетување на нефинансиските средства на нето основа заклучно со крајот на годината изнесува 4,5 милиони денари, што е значително помалку во споредба со минатата година.

Целосниот финансиски извештај се наоѓа на следниов линк.