Како да отворите 46 нови фабрики во еден ден

Турскиот претседател Реџеп Таип Ердоган престојува во градот Ескишехир каде отвори 46 нови фабрики.

Во индустриската зона на турскиот град Ескишехир беше организирано свеченото отворање на 46 нови фабрики, меѓу кои е и фабриката за бела техника HAIER.

За време на своето обраќање, Ердоган рече дека Турција ќе продолжи да биде стабилна и безбедна земја за инвестиции, пренесува агенцијата Анадолија.

Секој што инвестира во Турција ќе продолжи да остварува профит “, рече Ердоган.

Тој им се обрати и на оние кои очекуваат и се надеваат дека Турција ќе се сопне.

„Им порачувам на оние кои се надеваат и чекаат да се сопне нашата земја, не се возбудувајте премногу, никој нема моќ да ја наруши климата на стабилност и доверба во оваа земја“, рече Ердоган.

Шефот на турската држава додаде дека „нема товар што не можеме да го поднесеме заедно со нашите претприемачи, кои даваат сила на нашата севкупна сила и се столбови на голема и моќна Турција“.