Интернешнел Хотелс до септември направил загуба од 13,8 милиони денари

Во 2021 година до крајот на септември работењето на Интернешнел Хотелс продолжи да биде во услови на пандемија од Covid -19, од која најмногу е погодено работењето на туристичко – угостителскиот сектор, во која категорија спаѓа ИНТЕРНЕШНЕЛ ХОТЕЛС АД Скопје.

До 30 септември 2021 година билансот на успехот на Друштвото покажува дека остварило вкупни приходи од 25,390 милиони денари кои се зголемени  во однос на истиот период во 2020 година, вкупните трошоци изнесуваат 39,256 милиони денари.

Остварен е негативен финансиски резултат во износ од 13,865 милиони денари

Деловната активност на Друштвото во третиот квартал беа зголемени споредбено со   истиот период  минатата година.

Со оглед на тоа дека глобалната здравствена пандемија се уште трае и се одразува и на севкупната економија во светот, со олабавување на мерките и отварање на границите  Друштвото во второто тромеечие  отпочна со  редовна извршување на  својата дејност.

Менувачницата  Интернешнел Хотелс Менувачница  ДООЕЛ Скопје , со која се врши консолидација на извештаите, не оствари промет во трите квартали во оваа година, нема влијание на остварениот  финансиски резултат.

Во новонастанатите услови во  наредниот период  Друштвото ќе настојува да ги намали финансиските трошоци предизвикани од здравствената пандемија.