Известување за направена грешка за компанијата Вабтек МЗТ АД Скопје

Во текстот објавен под наслов „Со ниту еден вработен 10 компании свртеле над 270 милиони евра“ направена е груба грешка во трансферирањето на податоците од платформата Бизнис Мрежа. мк, при што во оваа листа на компании кои имаат нула вработени е вбројана и ВАБТЕК МЗТ АД СКОПЈЕ. Поради тоа, порталот „Пари“ се извинува на компанијата ВАБТЕК МЗТ АД СКОПЈЕ.

ВАБТЕК МЗТ АД СКОПЈЕ реагираше до нашата Редакција, потенцирајќи дека во компанијата работат 334 вработени.

„ВАБТЕК МЗТ АД СКОПЈЕ е друштво кое постои неколку децении и кое работи во реалниот сектор во трудоинтензивна производствена дејност или колоквијално кажано ВАБТЕК МЗТ АД СКОПЈЕ е фабрика (со погони, стоки, машини, опрема и – се разбира – со вработени кои работат). Во моментов  ВАБТЕК МЗТ АД СКОПЈЕ има 334 вработени кои работа и ги остваруваат своите права од работен однос“, е дел од реакцијата на ВАБТЕК МЗТ АД СКОПЈЕ.

Со оглед на утвредената грешка од наша страна, „Пари“ го повлече текстот во кој беше споменат и „Вабтек“.

Како сериозен медиум за финансии, кои веќе подолго ги анализира состојбите во земјава и кај деловните субјекти, порталот „Пари“ и понатаму ќе се труди, како и секогаш досега да пласира веродостојни анализи врз основа на податоците од платформата  Бизнис Мрежа. мк. Нашите анализи се целосно непристрасни, без никакви задни намери – ниту во позитива, ниту во негатива да влијаат на угледот на некоја компанија.