Едукативен настан на Берзата за подобрување на финансиската писменост

На 26 октомври, во пресрет на светскиот ден на штедењето во просториите на Македонска берза АД Скопје се одржа едукативен настан на тема „Заштеди и инвестирај за подобра иднина“ во организација на Берзата и Капитал Финансиски центар.

Посетителите на овој настан, покрај начините на управување со личните и семејни буџети, беа запознаени со улогата и начинот на функционирање на Берзата, односно на останатите институции на македонскиот пазар на хартии од вредност.

Ваквите едукативни настани се организираат во рамките на заложбите на Берзата за доближување и популаризирање на инвестирањето во хартии од вредност кај што поширок круг на заинтересирани лица и зголемување на финансиската писменост во општеството.