Внимание за заштита на лични податоци – Известува СТОПАНСКА БАНКА АД Скопје
1 мин читање426 прегледи
Стопанска Банка АД Скопје известува дека од неовластена електронска адреса stopanska.banka@gmail.com регистрирани се обиди да се приберат лични податоци за клиенти на Банката.
Стопанска банка НЕ КОРИСТИ gmail адреси за контакт со клиентите и Банката НИКОГАШ нема да побара преку линк на e-mail да внесете лични или финансиски осетливи податоци.
Од банката повикуваат на зголемена внимателност на клиентите и доколку сте испратиле лични или финансиски податоци на линкот во лажниот допис, Ве молиме обратете се до Министерство за внатрешни работи (Сектор за компјутерски криминал и дигитална форензика) како и информирајте ја Банката со цел заштита на Вашите банкарски податоци.
Овој вид на измами се зачестени и преку лажни Facebook профили, лажни e-mail адреси и други дигитални канали за комуникација, но Банката будно ги следи и известува за евентуалните нерегуларности со цел максимална заштита на своите клиенти.
Повторуваме, Банката НИКОГАШ нема да побара да внесете лични или финансиски осетливи податоци преку линк испратен на e-mail или СМС.
Бидете внимателни и секоја сомнителна комуникација пријавете ја до нивниот 24/7 контакт центар на телефонскиот број (02)3100 109.