ВИДЕО| За прв пат во Романија на банкнота ќе се појави женско лице

За прв пат во романската историја на официјална банкнота ќе се појави женско лице. Од 1 декември сликата на учесничка во Првата светска војна Екатерина Теодорој ќе се дели како законско средство за плаќање од 4 евра.

По смртта на нејзиниот брат, наредник во романската армија, таа се пријавила и служела како војник на линијата на фронтот.

„Екатерина Теодорој е првата жена офицер во романската армија и тоа е една од причините поради која е избрана за банкнотата од 20 леи“, рече Мугур Иреску, гувернер на Романската народна банка, цитиран од Euronews. Таа загина во битка во 1917 година.

На задната страна на банкнотата е прикажана крилеста слика на Победата и Мавзолејот во Маршаст, посветени на хероите од Првата светска војна. Во банкнотата има и низа елементи за заштита од фалсификување, пишува bTV.