Бил Гејтс се повлече од Управниот одбор на Мајкрософт

Kомпанијата „Микрософт“ извести дека ко-основачот на компанијата Бил Гејтс го напушта одборот за да се посвети на филантропијата.

Microsoft ја основа во 1975 година заедно со Пол Ален, а во управниот одбор беше од 2014 година.

Компанијата известува дека сè уште ќе ги искористува бенефитите од Гејтсовата технолошка пасија, како и неговите совети за развивање на производите и сервисите.

Гејтс ќе продолжи да соработува со компанијата како технолошки советник на Сатја Надела и останатите лидери на „Микрософт“.

„Беше огромна чест и привилегија да се работи и учи од Бил Гејтс“, истакна извршниот директор на „Микрософт“, Сатја Надела во соопштението.

Неговото место ќе го пополни поранешниот директор на „Американ Експрес“, Кенет Шено. Шено го напушта одборот на директори на „Фејзбук“, а компанијата ја потврди оваа вест во петокот. 68 годишниот Шено бил во одборот на „Фејсбук“ од 2018 година, по неговото пензионирање како канцелар на компанијата „Амекс“.

Гејтс, втор по богатство во светот, по Џеф Безос и пред Ворен Бафет според листата на Forbes од 2019 година.

Тој пред повеќе од една деценија се повлече од лидерската позиција во компанијата и отвори фондација која го носи неговото и името на неговата сопруга, Мелинда Гејтс.

Фондацијата Бил и Мелинда Гејтс се занимава со хуманитарна работа во светот, од образование до здравство и климатски прмени.