Банката на Англија очекува вработените да се вратат на работа „барем еднаш неделно“

Централната банка на Англија објави дека очекува нејзините работници да бидат присутни во канцелариите „најмалку еден ден неделно, и генерално повеќе“, во рамките на планот за враќање по пандемијата.

Како што беше истакнато, следната фаза од планот ќе започне следната недела, вклучувајќи иницијативи „насочени кон олеснување на хибридната работа“. Банката ги негираше извештаите дека се откажала од политиката „дека вработените кои веќе не се вратиле во канцеларијата, почнуваат да доаѓаат“.

Меѓутоа, она што се промени е дека „мислиме дека се уште не е вистинското време да побараме од нашиот персонал да се врати во канцеларија каде што, од повеќе причини, некои во сегашната средина може да имаат сериозни здравствени проблеми“.

Британските власти минатата недела објавија дека Велика Британија имала најмногу смртни случаи и хоспитализирани од инфекција со вирусот Ковид-19 од почетокот на март. Бројот на заразени лица се зголеми во текот на летниот период, и покрај фактот дека речиси 80 проценти од населението постаро од 16 години примија две дози од вакцината.

Централната банка посочува дека „околу една четвртина од персоналот лично ги посетил своите простории во Лондон барем еднаш минатата недела“ и дека очекуваат „тие бројки дополнително да се зголемат бидејќи новата фаза во програмата за враќање во канцеларија започнува следната недела“. Исто така, се наведува дека локациите на банките во Лидс и Дебден веќе се вратени на стапката на работа од пред пандемијата.